Молитва св. Иоанна Кронштадтского*
Го́споди, не дай мне возмечта́ть о себе́ как бы о лу́чшем кого́-ли́бо из люде́й, но ду́мать как о ху́дшем всех и никого́ не осужда́ть, а себя́ суди́ть стро́го. Ами́нь.
Св. праведному Иоанну Кронштадтскому
О, вели́кий уго́дниче Христо́в, святы́й пра́ведный о́тче Иоа́нне Кроншта́дтский, па́стырю ди́вный, ско́рый помо́щниче и ми́лостивый предста́телю! Вознося́ славосло́вие Триеди́ному Бо́гу, ты моли́твенно взыва́л: «И́мя Тебе́ Любо́вь: не отве́ргни мене́ заблужда́ющагося. И́мя Тебе́ Си́ла: укрепи́ мене́, изнемога́ющаго и па́дающаго. И́мя Тебе́ Свет: просвети́ ду́шу мою́, омраче́нную жите́йскими страстя́ми. И́мя Тебе́ Мир: умири́ мяту́щуюся ду́шу мою́. И́мя Тебе́ Ми́лость: не престава́й ми́ловати мене́». Ны́не благода́рная твоему́ предста́тельству всеросси́йская па́ства мо́лится тебе́: Христоимени́тый и пра́ведный уго́дниче Бо́жий! Любо́вию твое́ю озари́ нас, гре́шных и немощны́х, сподо́би нас принести́ досто́йныя плоды́ покая́ния и неосужде́нно причаща́тися святы́х Христо́вых Та́ин: си́лою твое́ю ве́ру в нас укрепи́, в моли́тве поддержи́, неду́ги и боле́зни исцели́, от напа́стей враго́в ви́димых и неви́димых изба́ви: све́том ли́ка твоего́ служи́телей и предстоя́телей алтаря́ Христо́ва на святы́я по́двиги па́стырскаго дела́ния подви́гни, младе́нцем воспита́ние да́руй, ю́ность наста́ви, ста́рость поддержи́, святы́ни хра́мов и святы́я оби́тели озари́: умири́, чудотво́рче и прови́дче преизря́днейший, наро́ды страны́ на́шея, благода́тию и да́ром Свята́го Ду́ха изба́ви от междоусо́бныя бра́ни; расточе́нныя собери́, прельще́нныя обрати́ и совокупи́ святе́й собо́рней и апо́стольстей Це́ркви: ми́лостию твое́ю супру́жества в ми́ре и единомы́слии соблюди́, мона́шествующим в дела́х благи́х преспея́ние и благослове́ние да́руй, малоду́шныя уте́ши, стра́ждующих от ду́хов нечи́стых свободи́, в ну́ждах и обстоя́ниих су́щих поми́луй и всех нас на путь спасе́ния наста́ви: во Христе́ живы́й, о́тче наш Иоа́нне, приведи́ нас к невече́рнему све́ту жи́зни ве́чныя, да сподо́бимся с тобо́ю ве́чнаго блаже́нства, хва́ляще и превознося́ще Бо́га во ве́ки веко́в. Ами́нь.
Перевод: О великий угодник Христов, святой праведный отец Иоанн Кронштадтский, дивный пастырь, скорый помощник и милостивый заступник! Вознося славословие Триединому Богу, ты молитвенно взывал: «Имя Тебе Любовь: не отвергни меня, заблуждающегося. Имя Тебе Сила: укрепи меня, изнемогающего и падающего. Имя Тебе Свет: просвети душу мою, омраченную житейскими страстями. Имя Тебе Мир: умири мятущуюся душу мою. Имя Тебе Милость: не переставай миловать меня».
Перевод: Ныне благодарная твоему заступничеству всероссийская паства молится тебе: Христоименитый и праведный угодник Божий! Любовью твоею озари нас, грешных и немощных, удостой нас принести достойные плоды покаяния и без осуждения причащаться святых Христовых Тайн; силою твоею веру в нас укрепи, в молитве поддержи, недуги и болезни исцели, от напастей врагов видимых и невидимых избавь; светом лика твоего служителей и предстоятелей алтаря Христова на святые подвиги пастырского служения побуди, младенцам воспитание даруй, юность наставь, старость поддержи, святыни храмов и святые обители озари; умири, чудотворец и прозорливец дивный, народы страны нашей, благодатью и даром Святого Духа избавь от междоусобной войны; рассеянных собери, обольщенных обрати и соедини со Святой Соборной и Апостольской Церковью; милостью твоею супругов в мире и единомыслии сохрани, монашествующим в добрых делах преуспеяние и благословение даруй, малодушных утешь, страдающих от духов нечистых освободи, находящихся в нуждах и трудных обстоятельствах помилуй и всех нас на путь спасения направь. Во Христе живой, отец наш Иоанн, приведи нас к незаходящему свету жизни вечной, да удостоимся с тобою вечного блаженства, хваля и превознося Бога вовеки. Аминь.
Преподобному Силуану Афонскому
О, преди́вный уго́дниче Бо́жий, о́тче Силуа́не! По благода́ти, тебе́ от Бо́га да́нной, сле́зно моли́тися о все́й вселе́нней – ме́ртвых, живы́х и гряду́щих – не премолчи́ за на́с ко Го́споду, к тебе́ усе́рдно припа́дающих и твоего́ предста́тельства уми́льно прося́щих (имена́). Подви́гни, о всеблаже́нне, на моли́тву Усе́рдную Засту́пницу ро́да христиа́нскаго, Преблагослове́нную Богоро́дицу и Присноде́ву Мари́ю, чу́дно призва́вшую тя́ бы́ти ве́рным де́лателем в Ея́ земно́м вертогра́де, иде́же избра́нницы Бо́жии о гресе́х на́ших ми́лостива и долготерпели́ва бы́ти Бо́га умоля́ют, во е́же не помяну́ша непра́вд и беззако́ний на́ших, но по неизрече́нной бла́гости Го́спода на́шего Иису́са Христа́ уще́дрити и спасти́ на́с по вели́цей Его́ ми́лости. Е́й, уго́дниче Бо́жий, с Преблагослове́нною Влады́чицею ми́ра – Святейшею Игумениею Афо́на и святы́ми подвижниками Ея́ земна́го жре́бия испроси́ у святы́х святе́йшего Сло́ва святе́й горе́ Афо́нской и боголюби́вым пустынножителем ея́ от все́х бе́д и наве́тов вра́жиих в ми́ре сохрани́тися. Да А́нгелы святы́ми от зо́л избавля́еми и Ду́хом Святы́м в ве́ре и братолю́бии укрепля́еми, до сконча́ния ве́ка о Еди́ней, Святе́й, Собо́рней и Апо́стольстей Це́ркви моли́твы творя́т и все́м спаси́тельный пу́ть указу́ют, да Це́рковь Земна́я и Небе́сная непреста́нно славосло́вит Творца́ и Отца́ Све́тов, просвеща́ющи и освеща́ющи ми́р в ве́чной пра́вде и бла́гости Бо́жией. Наро́дом земли́ все́й испроси́ благоде́нственное и ми́рное житие́, ду́х смиренному́дрия и братолю́бия, добронра́вия и спасе́ния, ду́х стра́ха Бо́жия. Да не зло́ба и беззако́ние ожесточают се́рдца людски́я, могущие истреби́ти любо́вь Бо́жию в челове́цех и низвергнуть и́х в богопроти́вную вражду́ и братоубийство, но в си́ле Боже́ственныя любве́ и пра́вды, я́коже на небеси́ и на земли́ да святи́тся и́мя Бо́жие, да бу́дет во́ля Его́ свята́я в челове́цех, и да воцари́тся ми́р и Ца́рствие Бо́жие на земли́. Та́кожде и земно́му Оте́честву твоему́ – земли́ Росси́йстей испроси́, уго́дниче Бо́жий, вожделе́нный ми́р и небе́сное благослове́ние, во е́же всемо́щным омофо́ром Ма́тере Бо́жия покрыва́ему, изба́витися ему́ от гла́да, губи́тельства, тру́са, огня́, меча́, наше́ствия иноплеме́нников и междоусо́бныя бра́ни и от все́х вра́г ви́димых и неви́димых, и та́ко святе́йшим домо́м Преблагослове́нныя Богоро́дицы до сконча́ния ве́ка ему́ пребы́ти, Креста́ Животворя́щаго си́лою, и в любви́ Бо́жией неоскудева́ему утверди́тися. На́м же все́м, во тьму́ грехо́в погружа́емым и покая́ния те́пла, ниже́ стра́ха Бо́жия не иму́щим и си́це безме́рно лю́бящаго на́с Го́спода непреста́нно оскорбляющим, испроси́, о всеблаже́нне, у Всеще́драго Бо́га на́шего, да Свое́ю Всеси́льною благода́тию боже́ственне посети́т и оживотвори́т души́ на́ша, и вся́ку зло́бу и го́рдость жите́йскую, уны́ние и нераде́ние в сердца́х на́ших да упраздни́т. Еще́ мо́лимся, о е́же и на́м, благода́тию Всесвята́го Ду́ха укрепля́емым и любо́вию Бо́жию согреваемым, в человеколю́бии и братолю́бии, смиренномудренном сраспинании дру́г за дру́га и за все́х, в пра́вде Бо́жией утверди́тися и в благодатной любви́ Бо́жией благонравно укрепи́тися, и сынолюбне Тому́ прибли́житися. Да та́ко, творя́ще Его́ всясвятую во́лю, во вся́ком благоче́стии и чистоте́ вре́меннаго жития́ пу́ть непосты́дно пре́йдем и со все́ми святы́ми Небе́снаго Ца́рствия и Его́ Агнчаго бра́ка сподо́бимся. Ему́ же от все́х земны́х и небе́сных да бу́дет сла́ва, че́сть и поклоне́ние, со Безнача́льным Его́ Отце́м, Пресвяты́м и Благи́м и Животворя́щим Его́ Ду́хом, ны́не и при́сно и во ве́ки веко́в. Ами́нь.
Перевод: О удивительный угодник Божий, отче Силуан! По данной тебе от Бога благодати слезно молиться о всей вселенной – о мертвых, живых и будущих – не умолкай, молясь за нас ко Господу, к тебе усердно прибегающих и твоего заступничества с умилением просящих (имена). Побуди, о всеблаженный, на молитву Усердную Заступницу рода христианского, Преблагословенную Богородицу и Приснодеву Марию, чудесно призвавшую тебя быть верным делателем в Её земном саду, где избранники Божии умоляют Бога быть милостивым и долготерпеливым к грехам нашим, чтобы Он не вспомнил неправд и беззаконий наших, но по неизреченной благости Господа нашего Иисуса Христа помиловал и спас нас по великой Его милости.
Перевод: Так, угодник Божий, с Преблагословенной Владычицей мира – Святейшей Игуменией Афона и святыми подвижниками Её земного удела, испроси у святейшего Слова для святой горы Афонской и боголюбивых пустынножителей её сохраниться в мире от всех бед и вражеских козней. Дабы Ангелами святыми от бед избавляемые и Духом Святым в вере и братолюбии укрепляемые, до скончания века они возносили молитвы о Единой, Святой, Соборной и Апостольской Церкви и всем указывали путь к спасению, дабы Церковь Земная и Небесная непрестанно славила Творца и Отца Светов, просвещая и освящая мир в вечной правде и благости Божией.
Перевод: Народам всей земли испроси благоденственную и мирную жизнь, дух смирения и братолюбия, добронравия и спасения, дух страха Божия. Да не злоба и беззаконие ожесточают сердца людские, могущие истребить в людях любовь Божию и низвергнуть их в богопротивную вражду и братоубийственную войну, но в силе Божественной любви и правды, да святится имя Божие как на небе, так и на земле, да будет воля Его святая в людях, и да воцарится мир и Царствие Божие на земле. Также и земному Отечеству твоему – земле Российской испроси, угодник Божий, вожделенный мир и небесное благословение, да, будучи покрываемо всемощным покровом Матери Божией, избавится оно от голода, разрушения, землетрясения, огня, меча, нашествия иноплеменников и междоусобной войны, и от всех врагов видимых и невидимых, и так святым домом Преблагословенной Богородицы до скончания века пребыть ему, силою Животворящего Креста утвердиться и в любви Божией пребывать нерушимо. Нам же всем, погружаемым во тьму грехов и не имеющим ни горячего покаяния, ни даже страха Божия, и потому безмерно любящего нас Господа непрестанно оскорбляющим, испроси, о всеблаженный, у Всещедрого Бога нашего, да Своею Всесильною благодатью Он божественно посетит и оживотворит души наши, и всякую злобу и гордость житейскую, уныние и нерадение в сердцах наших да упразднит. Еще молимся, чтобы и нам, благодатью Всесвятого Духа укрепляемым и любовью Божией согреваемым, утвердиться в человеколюбии и братолюбии, в смиренном самопожертвовании друг за друга и за всех, в правде Божией и укрепиться в благодатной любви Божией, и сыновней любовью к Нему приблизиться. Да так, творя Его всесвятую волю, во всяком благочестии и чистоте мы непорочно пройдем путь временной жизни и сподобимся со всеми святыми Небесного Царствия и брачного пира Агнца Божиего. Которому от всех земных и небесных да будет слава, честь и поклонение, с Безначальным Его Отцом, Пресвятым и Благим и Животворящим Его Духом, ныне и присно и вовеки. Аминь.
